Според извршниот директор и претседател на Левис, Чип Берг, фармерките никогаш не треба да се перат.

Дури и ако имате дамки на фармерките, Берг вели дека не треба да се перат, туку да се чистат на самото место со четка за заби.

„Добар пар фармерки навистина не треба да се пере во машина за перење или многу ретко“, рече тој.

Неговиот аргумент се заснова на фактот дека перењето  на добар пар фармерки Левис всушност го оштетува материјалот и претставува чисто трошење вода.

Берг не е единствениот „експерт“ за фармерки што излегол во јавноста со овој совет.

На веб-страницата на еден производител на фармерки стои: “Најдобро е да ги носите новите фармерки добри шест месеци пред перење. Колку подолго не ги перете, толку подобро ќе изгледаат фармерките”.

Совет на неколку големи производители на фармерки е да ги ставите фармерките во замрзнувач преку ноќ наместо да ги перете за да се ослободите од бактериите или да ги проветрите на сонце.