„Се обложувам дека вакво нешто не сте виделе“, рекол корисник на ТикТок, објавувајќи видео од една венчавка. Имено, на видеото невестата го фрла бидермаерот. Таа е облечена во краток бел фустан и олдскул патики, а зад неа се собрани многу девојки. Според традицијата, девојката што ќе го фати букетот е таа што треба да се омажи следна.
И, како што може да се забележи и во видеото, сите девојки биле подготвени, одбројувањето почнало, а потоа невестата го фрлила букетот. Но, тој не завршил во рацете на ниту една од кандидатките за мажаење, туку прелетал покрај сите нив и стигнал до бендот. Бидермаерот завршил кај тапанарот, кој воодушевено го крена и славеше, а аплаузите одекнаа низ салата.
„Честитки до тапанарот од бендот „Темпо“ од Задар за првиот уловен букет“, се вели на ТикТок.
Видеото е прегледано над 200 илјади пати, а во коментарите многумина напишале како добро се насмеале: „Хит“, „Премногу добро“, „Имаш силна рака“, „Отиде тапанарот“, „Добар потег“...
© Vecer.mk, правата за текстот се на редакцијата
