Потребни состојки:
- 900 г модар патлиџан
- 2 големи чешниња лук
- 2 лажици маслиново масло
- 3-4 лажици тахини (паста од сусам)
- 2-3 лажици сок од лимон
- по вкус сол
- бибер
- 1 китка магдонос
- 100 г леблебија
Начин на приготвување: Измијте го патлиџанот и ставете го во рерна да се пече. Кога е готов, завиткајте го во фолија и оставете го малку да се излади, за подобро лупење. Леблебијата се остава да отстои во вода преку ноќ, следниот ден водата се истура, ставете нова и ставете ја на шпорет да се вари. Кога модриот патлиџан ќе омекне, излупете го, исечкајте го и ставете го во блендер со сварената леблебија да се соедини во компактна смеса. Префрлете во подлабок сад, па додадете ја тахини пастата, сечканиот лук и магдоносот, солта, црниот пипер, маслиновото масло и сокот од лимон. Сето добро промешајте за убаво да се соединат сите состојки, па послужете.