Нискокалоричниот леб е идеален избор ако сте на диета, а најдобро и највкусно е кога сами ќе го направите. Вака подготвениот леб има малку јаглехидрати, но содржи совршен микс од протеини и влакна.
Потребни состојки:
- 1 ½ шолја ленено брашно
- ½ шолја овесно брашно
- 1 лажичка прашок за печиво
- 1 лажичка сол
- 1 лажичка мед или 5-10 капки стевиа
- 3 јајца
- 4 белки
- ½ шолја вода
- 1/3 шолја масло
Начин на приготвување: Во сад добро промешајте ги сите суви состојки. Додадете ги течностите и мешајте додека не добиете мазно и меко тесто. Moже да проросите и семки по желба. Оставете го да отстои неколку минути, а во меѓувреме загрејте ја рерната на 180 степени. Печете го лепчето околу 30 минути, односно додека не добие златнокафеава боја.
