емаста торта по стар рецепт. Беше незаменлив дел од трпезата во Југославија, а беше и еден од омилените колачи на Тито, по што и го доби името.
Потребни состојки:
За бисквитот:
- 4 јајца
- 200 г шеќер
- 1 ванилин шеќер
- 100 г мелени ореви или лешници
- 5 лажици сварено црно кафе - ладно
- 5 полни лажици брашно
- 1 прашок за печиво
- 3 лажици масло
За првиот фил:
- 400 мл млеко
- 5 полни лажици брашно
- 2 жолчки
За вториот фил:
- 200 г маргарин
- 10 лажици шеќер
- 1 ванилин шеќер
- 100 г стопено чоколадо
- 3 лажици ореви
Начин на приготвување:
Бисквитот: Одделете ги белките од жолчките, а потоа изматете ги белките во цврст „снег“. Во жолчките додадете шеќер, па изматете. Во смесата со жолчките додадете го маслото, изладеното сварено кафе, брашното, прашокот за печиво и оревите и мешајте сè додека не се соедини. На крајот додадете ги и белките. Изматениот бисквит печете го на 180 степени околу 30 минути.
Прв фил: Во млекото додадете ги жолчките и брашното и изматете со миксер. Потоа ставете го на шпорет малку да зоврие за да направите пудинг.
Втор фил: Растопете го чоколадото и додадете маргарин. Потоа додадете ги шеќерот, ванилиниот шеќер и оревите и сè заедно измешајте.
* Убаво соединете ги двата фила. Врз кората намачкајте богат фил, па посипете со мелени ореви и чоколадо.
На здравје!
