Тестенини со брокула и туна

Тестенини во било која комбинација и време. Секогаш се добар избор на брзо ручече, кога се нема многу време а ви се јаде нешто вкусно.

ПОДГОТОВКА: 10 МИН. ГОТВЕЊЕ: 25 МИН. ВКУПНО: 35 МИН.

СОСТОЈКИ

350 г тестенина по желба (ние користевме фусили)

400 г брокула

100 г туна во парчиња

1 помала главица кромид

1 зелена пиперка

малку масло за готвење

малку сол, црн пипер

ПОДГОТОВКА

1.Кромидот и пиперката (измиена и исчистена од семки) исечкајте ги на ситни парченца. Во тава, на малку загреано масло, ставете ги и пржете ги неколку минути т.е. се додека кромидот не омекне.

2.Во истата тава, додадете ја туната во парчиња, промешајте и пржете ги сите состојки уште неколку минути.

3.Брокулата разделете ја на мали парченца, измијте ја и ставете ја во сад со зовриена и посолена вода. Обарете ја неколку минути, па исцедете ја и додадете ја во тавата со туната.

4.Во истата вода, ставете ги тестенините да се варат според упатството на пакетчето. Исцедете ги и додајте ги во тавчето со останатите состојки. Убаво промешајте за да се поврзат сите состојки, па сервирајте

Поврзани

Најнови вести

Коментари