Овие слатки кифлички се полнети со пудинг од ванила, но содржината зависи од вашиот вкус. Буквално може да уотребите крем, џем...
Потребни состојки:
- 1 кг брашно
- 50 г свеж квасец
- 5 лажици шеќер
- 1 лажичка сол
- 350 мл млеко
- 250 г путер
- 2 пудинзи од ванила
- 1 јајце
Начин на приготвување: Од наведените состојки замесете тесто. Оставете го да одмори 15 минути, а потоа поделете го на помали топчиња од по отприлика 100 грама. Оставете ги топчињата да нараснат, некаде околу 20 минути. Од нив расукајте кора и формирајте ги кифличките (наш предлог кората исечете ја на 4 или 8 триаголници од кои потоа ќе ги формирате кифличките). Одозгора премачкајте ги со јајце и печете 40 минути на 170 степени.
Начин на приготвување на филот: Сварете го пудингот според упатствата од кесичката. Кога кифличките се готови и оладени, секоја од нив благо се расекува и се полни со крем од ванила.
