Рижотото со пилешко месо лесно се прави, а е исклучително здраво и лесно. Рижотото е едно од оние јадења за кои не ви треба многу искуство или многу време за подготовка. Идеален ручек кој ќе ги задоволи и љубителите на месо и зеленчук.
Покрај тоа, ова јадење содржи и ориз, па може да се смета за комплетен оброк со кој не ви треба ниту леб. Комбинацијата од зеленчук и пилешко месо, со одбрани зачини, му дава на јадењето уникатен вкус кој ќе го воодушеви вашето семејство.
Потребни состојки:
- 1 шолја ориз
- 2 покрупни, месести пиперки
- 2 домата
- 1 главица кромид
- малку масло
- 200 мл сок од домати
- 300 г пилешко бело месо
- сол
- бибер
- црвена пиперка
Начин на приготвување: Кромидот ситно се сечка, па се динста во масло и малку вода. Кога кромидот ќе стане стаклест, додадете го месото и уште малку топла вода. Сè убаво измешајте и зачинете, па динстајте околу 10 минути. Додадете ги пиперката, доматот и 200 мл топла вода. Кога ќе зоврие додадете го оризот и сокот од домати. Се додава вода додека не се свари оризот.