Славниот француски готвач Пјер Ерме тврди дека го знае „најдобриот рецепт за палачинки во светот“. Тој вели дека неколку мали работи прават голема разлика, а дека неговите палачинки се толку сочни и вкусни, што не им треба никаков прелив.

Потребни состојки:

  • 200 г брашно
  • 50 г шеќер
  • 1/2 л млеко
  • лажица или две арома од ванила
  • 5 јајца
  • изрендана кора од четвртина лимон
  • изрендана кора од цел портокал
  • 10 мл рум (по желба)
  • 100 г путер

Начин на приготвување: Загревајте го млекото додека не почне да врие, па додадете ја аромата од ванила. Оставете околу половина час да се излади и да прими од аромата. Во меѓувреме растопете го путерот и оставете го да се излади. Изрендајте ги кората од лимон и портокал, и додадете им шеќер. Млекото со миксер изматете го со јајцата. Просејте го брашното во сад, додадете го подготвениот шеќер со израндана кора, па во оваа смеса формирајте дупка во која ќе го додадете изматеното млеко со јајца. Со лажица измешајте ги течните и сувите состојки, мешајте се додека не добиете компактна смеса. Во мазната смеса додадете го растопениот и изладен путер и румот, па оставете да отстои околу 15 минути. Загрејте тава и почнете со печење.

Служете ги топли, со фил, прелив по желба!