Пуслиците се едни од омилените божиќни колачи. Оваа неодолива и совршено крцкава закуска е убав десерт, а со оглед на тоа што се неверојатно убави тие се и вистинска декорација на масата (доколку траат толку долго).

Состојки:

5 белки
– прстофат сол
– 250 гр шеќер во прав
– 1/2 лажичка прашок за пециво
– лажичка екстракт од ванила
– 2 лажички сок од калинка
– 3 лажици џем од калинка

Подготовка:

Матете ги белките со прстофат сол на најголема брзина. Во цврстиот снег постепено додавајте шеќер во прав, прашок за пециво и ванила.

Додадете го сокот од калинка во веќе изматениот шлаг од белки. Обложете го листот за печење со хартија за печење и истиснете ги пуслиците со готварски шприц со ѕвездест отвор.

Исушете ги во рерна на 120 ° C, околу час и половина, со половина отворена врата или со вклучен вентилатор. Спојувајте по две пуслици со малку премачкан џем.