Свети Микола е слава која се празнува во многу домови кај нас, и таа секогаш паѓа во пост. Домаќинките секогаш се во дилема што да стават на славската трпеза и да ја направат повкусна. Посни оброци има многу и сите се вкусни, здрави и доволни за чесно и мирно славење и постење.
Потребни состојки:
- 1 страк праз
- 2 кисели пиперки (од туршија),
- малку морков, свеж или кисел
- 2 чаши пченкарно брашно (шолја 200 мл)
- 2 чаши пченично брашно,
- рамна лажичка сол,
- 1 прашок за печиво,
- 150 мл масло,
- 250-300 мл минерална вода.
Начин на приготвување: Празот измијте го, исечкајте го и оставете да се крчка неколку минути. Додадете ја во него сечканата пиперка и морковот, промешајте и додадете малку вода по потреба (околу 30-50 мл). Додадете половина лажичка сол. Оставете да се динста уште 5 минути за да омекнат пиперките, па се трга од оган. Измешајте ги пченкарното и пченичното брашно, прашокот за печиво, па додадете го маслото, подготвената смеса од праз и минералната вода. Сè убаво соединете, па истурете во тавче подмачкано со масло. Печете 25-30 минути на 180 степени.