Потребни состојки:

  • 4 тортиљи
  • 3 јајца
  • сол
  • бибер
  • 100 г шунка
  • 120 г кашкавал
  • 1 домат
  • путер за премачкување

Начин на приготвување: Намачкајте ја тавата со путер. Посолете ги јајцата и додадете бибер по вкус, па изматете. Истурете половина од јајцата во тавата. Одозгора ставете ја првата тортиља, наредете ја шунката и ренданото сирење, па тортиљата, доматот и сирењето. Следната тортиља, шунка, сирење и одозгора четвртата тортиља. Одозгора премачкајте го преостанатото јајце, покријте го и ставете го шпоретот на ниска температура. По пет минути се превртува и повторно се покрива, се пржи уште пет минути. Појадокот е подготвен.