Доколку сте љубители на тестото, ви носиме рецепт за најздравата можна варијанта. Бидејќи киноата има висока содржина на антиоксиданси и фалвоноиди кои делуваат против воспаленија и вирусни инфекции, таа е супер храна. Исто така, содржи многу повеќе растителни влакна од другите житарки, одличен извор е на протеини (во 100 грама содржи 4,5 г протеини), како и минерали - калиум, железо и магнезиум.
Големата предност е што не содржи глутен, па може да биде дел од исхраната на оние кои се алергични или го избегнуваат. Постојат многу начини да ја вклучите оваа житарка во вашата исхрана, а ова е еден од предлозите.
Потребни состојки:
- 1 лажица маслиново масло
- 1 чешне лук
- 2 чаши пире од домати
- 2 лажици балсамико оцет
- 2 чаши сварена киноа
- 2 чаши варено и сечкано пилешко
- 3 чаши бебе спанаќ
- 1 чаша преполовени чери домати
- 1 чаша рендано сирење
- зачини (сол, бибер, босилек )
Начин на приготвување: Во длабока тава на средна температура пропржете го лукот. Додадете пасирани домати, балсамико оцет и саканите зачини. Измешајте ја киноата и сечканото пилешко. Додадете го спанаќот и динстајте неколку минути додека зеленчукот не омекне. Тргнете од оган и посипете ги со доматите и ренданото сирење. Покријте ја тавата и оставете сирењето да се растопи. Украсете со листови босилек.
