Компирите се една од омилените намирници на нашите простори, па на трпезата може да се најдат во сите форми. Освен како прилог, и специјалитетите од компири можат да бидат главно јадење.
Потребни состојки:
- 1 кг компири
- 150 г млад кајмак
- 200 мл млеко
- 3 јајца
- сол
- бибер
- власец
-зачини по вкус
Начин на приготвување:
Кајмакот изматете го со јајцата и млекото, па додајте ги зачините по вкус. Компирите се сечат на подебели кришки, па се редат во подмачкан сад во еден ред, се се зачинува, се додава вториот ред компири и така до крај.
Сè прелијте ја смесата со јајцата, покријте ја тавата со фолија и печете на 200 степени. По 45 минути извадете ја фолијата, посипете со кашкавал и оставете да се пече уште 15 минути.
Послужете топло со сезонска салата.