Лубеницата е совршен избор за освежување во текот на летото, а освен што можете да ја јадете изладена и свежа, од неа можете да приготвите и вкусен пијалак, и тоа од само четири состојки.

Потребни состојки:

  • 600 грама лубеница
  • 20 коцки мраз
  • 2 лажици мед
  • 1 лажица сок од лимета

Начин на приготвување: Лубеницата исчистете ја од семките и исечете ја на помали парчиња. Ставете ги парчињата лубеница во блендер и измешајте ги заедно со медот и сокот од лимета. Додадете коцки мраз и мешајте сè додека состојките не се соединат. Веднаш послужете.

На здравје!