Кога ќе ви остане стар леб, наместо да го фрлите, подгответе вкусен појадок за целото семејство. Рецептот е едноставен, и, веројатно, повеќето состојки веќе ги имате во кујната.
Потребни состојки:
8 кришки леб
100 г кашкавал
200 г шунка или печеница
оригано
8 лажици кечап
масло за подмачкување
Начин на приготвување: Изрендајте го кашкавалот. Лебот исечете го на кришки, па наредете ги во претходно намастена тава. Секое парче премачкајте го со кечап, потоа ставете шунка или печеница (по желба), потоа кашкавал и оригано. Ставете ја тавата во загреана рерна и печете на 180 степени 15 минути.