Трилече колачот е бисквит натопен во три вида млеко. Неговото име буквално значи три млека, а за неговото потекло се уште се расправа. Многумина тврдат дека потекнува од Мексико, додека некои ја наведуваат Турција. Оваа торта, чиј рецепт е пред вас, е направена малку поинаку, но изгледот и вкусот потсетуваат на популарниот десерт.
Потребни состојки:
- 400 г шеќер
- 200 мл вода
- 650 мл млеко
- 2 лепињи или кифли
- 3 јајца
- 200 мл кокосово млеко
- 200 мл слатка павлака
- 50 г кокос
Начин на приготвување: Во тавата истурете половина од шеќерот и варете на средна температура додека не се растопи, додадете вода и убаво измешајте. Добиената смеса префрлете ја во плех за печење. Кифлите прелијте ги со млеко, додадете ги јајцата, кокосовото млеко, шеќерот, слатката павлака и кокосот и сè убаво измешајте. Прелијте со карамелизираниот шеќер и покријте со фолија. Ставете ја тавата во поголема која е наполнета со вода. Печете на 220°C 90 минути. По печењето, превртете ја тортата наопаку и исечете ја.
