logo
logo
logo

Лажни лазањи - толку се вкусни што нема ни да ја забележите разликата

Vecer | 22.09.2021

Лажни лазањи - толку се вкусни што нема ни да ја забележите разликата

Потребни состојки:

  • 500 г тестенини по избор
  • чаша вода
  • сол

За црвениот сос

  • 400 г мелено месо
  • 200 мл варени домати
  • 100 мл масло
  • 1 кромид
  • 4 чешниња лук
  • 2 лажички сув зачин
  • 2 лажички мелена пиперка
  • 1 лажичка оригано
  • малку бибер
  • 100 мл кечап

За белиот сос:

  • 200 мл млеко
  • 1 лажица брашно
  • околу 4 лажици масло
  • 350 г кашкавал (може било кој)
  • половина лажичка сол
  • малку бибер

Начин на приготвување: Вклучете ја рерната на 230 степени, подмачкајте го огноотпорниот сад и ставете ги тестенините во него, истурете вода и додадете сол. Промешајте малку и ставете во загреана рерна околу 10 минути за тестенините малку да омекнат. Во меѓувреме, подгответе ги црвениот и белиот сос.

Испржете го ситно исечканиот кромид во масло, додадете мелено месо, зачини, варени домати, лук. Динстајте околу 10 минути. Во меѓувреме, загрејте го маслото во друга тава и пржете го брашното, истурете го млекото и варете на ниска температура околу 2 минути. Додадете сол, бибер и извадете ги од шпоретот. Додадете рендан кашкавал и мешајте додека не се растопи.

Извадете ги полупечените тестенини од рерната, прелијте со црвениот сос, промешајте, израмнете и прелијте со белиот сос. Посипете со оригано, покријте и вратете во рерна уште околу 15 минути да се пече. Пред крајот отворете го садот за горниот дел убаво да се зарумени.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk