Многу домаќинки при подготовката на погача се држат до старите добри рецепти, но доколку немате ваш докажан рецепт еве еден кој може да ви помогне да направите совршена погача:

Потребни состојки:

  • 700 г брашно
  • 500 мл млеко
  • 150 мл јогурт
  • 100 мл масло
  • 1 сув квасец
  • 1 прашок за печиво
  • 1 лажичка сол
  • 1 лажичка шеќер
  • 1 јајце за премачкување
Božićna česnica

Начин на приготвување: Во 250 мл млеко додадете една лажичка шеќер и сув квасец. Сето тоа измешајте го и оставете да нарасне. Во сад додадете брашно, сол и прашок за печиво. Сето добро измешајте го. Направете дупка во садот, истурете 100 мл масло, 150 мл јогурт, надојдениот квасец и остатокот од млекото. Добро замесете. Тестото се става во подмачкана тава (предходно скршете парче тесто и направете плетенка). Премачкајте го тестото со едно изматено јајце, а потоа ставете ја плетенката. Оставете го лебот да нарасне, околу 20 минути. Потоа се става во загреана рерна и се пече еден час на 180 степени. Проверете со чепкалка дали лебот е готов. Завиткајте го во чиста крпа и оставете го да здивне.