Што велите за порција сладолед од кисело млеко, кој нема да му пречи на вашето диетално мени? Еве како лесно може да го приготвите уште веднаш
Потребни состојки:
- 70 г кисело млеко
- 70 г замрзнати парчиња ананас
- 1 супена лажица мед
- 1 полна кафена лажица сок од лимон
Начин на приготвување: Измешајте ги сите состојки во блендер, мешајте додека не добиете хомогена смеса. На крај, во сладоледот по желба може да додадете и малку кокос, кој претходно може и малку да се испржи. Тропскиот сладолед за брзо време ќе биде готов, а неговиот егзотичен вкус нема никого да остави рамнодушен!
Доколку не претпочитате ананас, сладоледот може да го приготвите со кое било друго овошје, по желба, или, пак, едноставно само да измешате 150 грама кисело млеко, 2 супени лажици мед и 3 супени лажици сок од лимон.
На здравје!
