Потребно: (за 4 порции)
- 2-3 страка праз
- китка моркови
- 50 г путер
- сол
- пипер
- суви зачински тревки
- половина китка магдонос или целер
- супена лажица гриз
Начин на приготвување: Измијте го празот, па исечете го на тркалца со ширина од 2 см, вклучувајќи го и белиот и зелениот дел. Исчистете го морковот и исечкајте го на мали стапчиња, не многу тенки ниту преголеми за да можат лесно да се фаќаат со лажица додека се јаде. Количеството праз и морков зависи од тоа дали сакаме погуста или поретка чорба. Динстајте ги морковот и празот десетина минути, додајте вода зеленчукот да омекне, па динстајте уште десетина минути додавајќи зачински тревки, сол и пипер по желба. Додајте вода по желба (да биде поретка или густа) и супена лажица гриз. По десетина минути кога чорбата ќе биде готова, тргнете ја од огнот и додајте сечкан магдонос или листови целер.
