Чоколадна киндер торта за која не ви треба печење

Во топлите летни денови ретко кој е расположен за печење, но тоа не значи дека не сакате да се засладите со вкусен десерт.

Оние кои се љубители на готвењето нема да одолеат на оваа чоколадна торта во 4 слоеви за која не ви е потребно печење.

Лесно се подготвува, а ќе уживате во чоколадниот вкус, збогатен со бисквити.

Потребни состјки:
За основна смеса:

240ml вода
100g шеќер
1 ванилин шеќер
400g млеко во прав
250g путер на собна температура

Прв слој – подлога

100g мелени бисквити
100g мелени ореви
6 лажици млеко

Втор слој

100g чоколадо за готвење

Трет слој

100g бело чоколадо

Четврти слој

2dl слатка павлака или сматен шлаг

Начин на подготовка:

Сварете ја водата, заедно со шеќерот и ванилиниот шеќер. Тргнете од оган и постепено додавајте го млекото во прав, притоа постојано матејќи со миксер.

Додадете го и путерот и измиксирајте сè за да се добие соединета и мека смеса.

Од оваа смеса, издвојте 200g и додадете ги во неа бисквитите, оревите и млекото. Измешајте ги добро состојките и распоредете во калап со пречник 20cm. Оставете во замрзнувач неколку минути додека го подготвувате вториот слој.

Чоколадото за готвење стопете го и соединете го со половина од преостаната смеса со млеко во прав. Мешајте додека не се добие кремаста смеса и прелијте врз слојот со бисквити. Вратете во замрзнувач уште неколку минути.

Белото чоколадо стопете го и соединете го со преостанатата смеса со млекото во прав. Соединете ја смесата и распоредете ја врз слојот со темно чоколадо.

Оставете ја тортата неколку часа во фрижидер да се стврдне, а потоа одозгора ставете шлаг и послужете.

Поврзани

Најнови вести

Коментари