Ким Кардашијан е позната по тоа што споделува совети за нејзината исхрана и фитнес режимот на Инстаграм (кои не се секогаш здрави и успешни). Сепак, нејзиниот рецепт за пудинг со чиа стана хит на ТикТок со причина.
Рецептот е објавен на профилот Healthfood и собра повеќе од 813 илјади лајкови, а видеото детално го документира процесот на правење на оваа вкусна закуска.
Рецепт
Прво, додадете две лажици чиа семе во мал сад. Истурете половина шолја бадемово млеко и додадете половина лажичка мед, па добро измешајте. Пудингот чиа оставете го преку ноќ во фрижидер, а пред консумирање додадете сечкани јагоди или банани и посипете уште малку мед, секако, по желба.
Дали чиа пудингот е хранлив?
Според клиниката Кливленд, чиа пудингот е одличен начин луѓето да внесуваат здрави масти во нивната исхрана, а истовремено да го поттикнат губење на тежината. Чиа семето содржи омега-3 масни киселини кои се корисни за здравјето на зглобовите и срцето, а ја помагаат и меморијата.
"Чиа семето е богато со калиум, железо и калциум. Пудингот од чиа е најлесното јадење што можете да го направите бидејќи основниот рецепт има само две состојки - чиа семе и секаков вид млеко", вели диететичарката Џилијан Кулбертсон.