Нема кој не сака пица и не чудо што таа се јаде во кој било дел од денот. Еве одлична верзија за појадок, станува збор за мафини со вкус на пица.
Потребни состојки:
- 2 чаши брашно
- 200 мл јогурт
- 1 лажичка прашок за печиво
- 1/2 лажичка сода бикарбона
- 1 лажичка сол
- 2 лажички оригано
- 2 јајца
- 2 лажички масло
- 50 г кашкавал
- 50 г шунка
- 50 г кулен
Начин на приготвување: Загрејте ја рерната на 200 степени. Во поголем сад изматете ги јајцата и додадете ги маслото и јогуртот. Постепено додавајте го брашното, како и прашокот за пеливо, солта и сода бикарбоната. Тестото треба да биде мазно. Додадете го ренданото сирење и сувомеснатите производи и измешајте да се соедини со тестото. Полека мешајте ја сувата смеса додека не се соедини. Наредете и распоредете ја смесата во калапот за мафини, па одозгора додајте оригано и уште малку сирење. Печете 20 до 22 минути. Оставете да се излади 10 минути во плехот. Послужете со јогурт.
На здравје!
