Состојките ги имате дома бидејќи се зачини, а во зависност од изборот на филето зависи и цената на оброкот
Најлесен и најбрз начин да подготвите вкусна риба која е одлично решение доколку постите.
Ако постите и сакате нешто брзо и вкусно, тогаш најдобро е да направите риба. Одберете го филето по ваш избор, добро зачинете го и печете го во рерна само 10 минути. Вака подготвената риба е одличен предлог и за посна трпеза, бидејќи се прави многу брзо и лесно, а вкусот е волшебен.
Состојките ги имате дома бидејќи се зачини, а во зависност од изборот на филето зависи и цената на оброкот. Можете да го послужите сам или со салата од компири.
Состојки:
1 филе бакалар
1 лажичка лук во прав или свежи чесниња лук
1 лажичка сув магдонос (може и ситно сецкан свеж магдонос)
2 лажички мелена пиперка
1 лажичка италијански зачини
2 лажички зачини за риба
1 лажичка димена пиперка
лимон
масло
Подготовка: Во сад ставете го филето од риба, посолете и побиберете ја од двете страни. Потоа измешајте ги сите зачини во сад (лук, магдонос, искршена пиперка, италијански зачин, зачин за риба и чадена пиперка) па посипете ја рибата и премачкајте ја со масло за добро да се впие. Свртете ја рибата на другата страна и повторете ја постапката. Потоа се пече во загреана рерна на 200°C околу 10 минути. Посипете ја со сок од лимон.
