logo
logo
logo

ПЕЧЕНИ КОМПИРИ какви досега не сте пробале

Vecer | 17.01.2022

ПЕЧЕНИ КОМПИРИ какви досега не сте пробале

Доколку не сте љубители на месо, а сакате компири и кашкавал, тогаш треба да се обидете да го подготвите овој рецепт. Речиси и да не постои човек кој не сака компири, а доколку уживате и во кашкавалот, тогаш ова е вистинскиот рецепт за вас.

Состојки:

- 1 килограм компири;

- 250 грама изрендан кашкавал;

- 250 грама павлака за готвење;

- 30 грама путер;

- 2 чешниња лук;

- Една лажица сол, бибер;

- Мајчина душица

Подготовка:

Рерната загрејте ја на 180 степени Целзиусови.

Путерот стопете го и измешајте го со павлака и згмечениот лук.

Излупете ги компирите, па исечете ги на тенки парченца, а потоа зачинете ги.

Прво во огноотпорен сад или плех чија површина сте ја намачкале со путер, наредете компири, па прелијте ги со смесата од путер и павлака, додадете една третина од кашкавалот, па додадете мајчина душица.

Уште еднаш повторете ја постапката со останатите состојки, а третиот слој компири само прелијте го со путер и павлака.

Покријте го садот со фолија и печете околу 50-60 минути во рерна, па извадете го садот и одгоре ставете од изренданиот кашкавал кој ви останал. Печете уште 15-на минути додека кашкавалот не се стопи.

 

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk