Венецуела ја запре испораката на нафта во Европа.

Нафтената компанија „ПДВСА“ ги суспендираше испораките на суровата нафта во Европа и бара гориво од италијанската „Ени“ и од шпанската „Репсол“ во замена за идните карго пратки, објави Ројтерс.

Земјата повеќе не е заинтересирана за договор „нафта за долг“ кој го одобри американскиот Стејт департмент во мај. Државната компанија на Венецуела продолжи со испораката за Европа во мај по двегодишна суспензија поради американските санкции, но сега испораката е стопирана.

Инаку, саудискиот нафтен гигант „Арамко“ го собори сопствениот рекорден профит откако во вториот квартал од оваа година оствари профит од 48 милијарди долари.

Ова е зголемување од 90 отсто во однос на истиот период лани.