Скапата енергија беше одговорна за растот на потрошувачките цени во мај, најголемиот месечен раст на цените во последните десет години беше забележан во Германија, пишува „Дојче веле“. Стоките и услугите чинат просечно за 2,5 проценти повеќе од истиот месец минатата година, соопшти во понеделникот Сојузното биро за статистика.

Ова е највисока месечна стапка на инфлација од септември 2011 година. Со оглед на тоа што владината мерка истече на крајот на минатата година, со што (поради ограничувањата на короната) привремено се намали стапката на ДДВ од 19 на 16 проценти, стапката на инфлација се зголемува континуирано за пет месеци, пишуваат медиумите.

Според нивните анализи, во мај годинава потрошувачите мораа да потрошат многу пари на енергија, која доби поголема цена за десет проценти во однос на минатата година.

Во споредба со истиот месец минатата година, цените на прехранбените производи поскапеа за 1,5 процент, а услугите за 2,2 проценти.

Експертите предвидуваат дека зголемувањето на нивото на цените ќе продолжи и во следните неколку месеци.

Други економисти исто така веруваат дека годишната инфлација може да биде значително поголема од три проценти.

За целосната 2021 година, Европската централна банка очекува инфлација од 1,5 процент. Новата прогноза ќе биде објавена во јуни.

Инфлацијата во последно време е поголема во САД отколку во еврозоната. Во април, таа беше за 4,2 проценти повисока отколку во истиот месец минатата година. Тоа беше најголемиот скок од септември 2008 година.

Поради кризата, Вашингтон одобри огромни пакети помош.

makfax.com.mk