Во февруари обемот на увоз на руска стока во Франција изнесуваше 1,8 милијарди евра, а потоа во следните пет месеци почна да се намалува. Во август, пак, показателите скокнаа за 25 отсто на месечно ниво - до 1,1 милијарда евра.
Германија го врати првото место на листата на најголеми увозници (2,7 милијарди евра), откако Италија беше на прво место во јули. На трето место е Холандија со увоз од милијарда и пол евра.
Увозот го зголемија и другите европски земји, а меѓу нив рекордер е Португалија, каде порастот е речиси десет пати (9,3), а обемот на увозот достигна 79 милиони евра. Во Летонија увозот е зголемен за 44 отсто, Австрија и Шпанија за 27 отсто, Грција за 15 отсто и Словачка за шест.
Пет земји од ЕУ го зголемиле извозот на своите стоки во Русија, Кипар најмногу - 6,7 пати. Извозот од Унгарија е зголемен за 23 отсто, Белгија за 19 отсто и Германија за 13 отсто, додека извозот на Литванија е зголемен за два отсто, достигнувајќи 292 милиони евра, што е највисока сума од февруари.