logo
logo
logo

Португалија во битка со инфлацијата - Привремено го укинува ДДВ за храната

Vecer | 28.03.2023

Португалија во битка со инфлацијата - Привремено го укинува ДДВ за храната

Португалија привремено го укинува данокот на додадена вредност (ДДВ) за основните прехранбени производи, за да ги намали цените.

Левичарската влада на Португалија планира во следните шест месеци да го укине ДДВ на 44 основни прехранбени производи, изјави премиерот Антонио Кошта. ДДВ за тие храни сега е шест проценти.

Тој додаде дека мерката е дел од договорот потпишан со производителите и трговците со цел стабилизирање на цените. Кошта истакна дека договорот предвидува и планирана и финансиска поддршка за земјоделците и сточарите, во висина од 600 милиони евра.

Укинувањето на ДДВ за лебот, тестенините, оризот, млекото, јајцата, јогуртот, сирењето, маслото, путерот, месото и риба може да биде продолжена и по почетниот шестмесечен период, посочи Кошта.

Предлог-законот сè уште не е усвоен во Парламентот.

Годишната потрошувачка инфлација во Португалија во февруари достигна 8,2 отсто, малку под 8,5 проценти забележани во еврозоната, чиј член е Португалија. Но, инфлацијата на храната неодамна надмина 20,1 отсто.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk