Движењата на криптовалутите се поврзани со продажбата на поризични средства како што се технолошките акции, додека инвеститорите се подготвуваат за построга монетарна политика на Федералните резерви на САД и повисоки каматни стапки
Биткоинот забрзано ја губи вредноста и се движи кон нивото од 30.000 долари, што сега е сериозна грижа за сите поборници на најпопуларната дигитална монета.
Биткоинот и денеска драстично падна, за околу 7%, падна на најниско ниво од јули 2021 година, бидејќи инвеститорите почнаа да продаваат ризични средства поради страв од можен руски напад врз Украина, објави Ројтерс.
Поради целата ситуација, пазарот на криптовалути изгуби околу 130 милијарди долари во последните 24 часа. Биткоинот сега е 51% понизок од неговото рекордно високо ниво во ноември, додека етерот падна за 12%, што е најниско ниво од крајот на јули, објави CNBC.
Биткоин и крипто реагираат многу поагресивно, со оглед на природата на класата на средства, и веројатно ќе тестираме 30-32.000, со оглед на моменталното расположение и моментум, рече Виџај Ајар, потпретседател за корпоративен развој и меѓународна експанзија, додавајќи дека „ако биткоинот се нуди над 30.000 долари во подолг временски период (една недела), тогаш може да има основа формирана на тие нивоа пред пазарот да се помести нагоре“.
- Но, за пазарот да биде навистина таков ќе треба одредено време, со оглед на недовербата во целиот спектар - посочи тој и додаде дека инвеститорите се борат и со повисока инфлација.
Застапниците на биткоинот често сугерираат дека дигиталната монета е заштита од инфлација, но досега оваа теорија не се покажала како таква. Аналитичарите велат дека постои загриженост дека ФЕД може да ја разниша стабилноста на крипто-пазарот. Во меѓувреме, инвеститорите исто така го проценуваат влијанието на понатамошното регулирање на пазарот на криптовалути.
