Повеќе од 130 земји постигнаа договор за одданочување на големите компании, вклучително и минимален корпоративен данок од 15 проценти за да се спречат мултинационалните корпорации да кријат профит во даночни оази.
Договорот е обид да се контролираат начините на кои глобализацијата и дигитализацијата ја менуваат светската економија и ќе им овозможи на земјите да ги одданочат приходите на компаниите со седиште во странство, што ги заработуваат од онлајн продажба.
Договорот постигнат помеѓу 136 земји што претставуваат 90 проценти од светската економија го објави Организацијата за соработка и економски развој (ОЕЦД), што беше домаќин на разговорите. ОЕЦД наведува дека минималниот данок ќе донесе приход од околу 150 милијарди долари.
Преговорите траеја четири години и имаа поддршка од американскиот претседател Џо Бајден. Трошоците поврзани со пандемиската криза дадоа дополнителен поттик за договорот во последните месеци.
„Воспоставувањето, за прв пат во историјата, на силен глобален минимален данок конечно ќе ги изедначи условите за американските рабтници и даночни обврзници, со остатокот од светот“, рече тој синќа во изјавата за залагање за минимална глобална даночна стапка од 21 проценти, но на крај се постигна договор да биде 15 проценти.
