Мицкоски до Миновски: Испратете јавно извинување или ќе ве тужам

Претседателот на ВМРО-ДПМНЕ, Христијан Мицкоски, преку својот профил на „Фејсбук“ се огласи по прес-конференцијата на генералниот директор на ЕЛЕМ, Драган Миновски.

Според Мицкоски, прес-конференцијата на Миновски била наменета за одвлекување на вниманието по скандалите и коруптивите бизниси. Претседателот на ВМРО-ДПМНЕ ги опиша обвинувањата како лаги, клевети и измислени тези.

„Миноски призна дека помалку произведуваат од истиот период минатата година и тоа за 10%, имаат прелив и притоа губат значителни количини електрична енергија и немаат развојна политика. Миноски со лаги, клевети и измислени тези упатени кон мене сака да ја покрие вистината за тоа како најпрво поништуваат тендери, и наместо вториот најповолен понудувач со веќе објавена цена се избира иситата таа фирма но овој пат со далеку повисока цена, и во договор во 4 очи, како се прави оглас за милионски тендери со услови кои може да ги исполни само една компанија, и како тие услови преку ноќ се менуваат само за да се покрие скандалот и ред други неправилности кои повлекуваат сомнежи за сериозен криминал“,напиша Мицкоски.

Тој побара од актуелниот директор на ЕЛЕМ јавно извинување, или во спротивно, како што му порача, изнесеното ќе мора да го докаже низ судска постапка.

„За раководството на ЕЛЕМ и Владата, важни се клеветите и измислените информации упатени кон мене на денешната прес конференција. Затоа колега Миноски ќе имате период од 48 часа да испратите јавно извинување за сите клевети и навреди што ги изнесовте денес, а притоа му нанесовте штета на мојот углед и чест или во спротивно се што изнесовте денес ќе мора да го докажувате низ судска постапка. Одите во погрешен правец и ве советувам пола од енергијата која ја трошите да ме извалкате со невешто читање на напишани соопштенија да сработите нешто за доброто на татковината, за граѓаните за ЕЛЕМ. За сите злоупотреби кои ги исполнувате за вашите нарачатели ќе одговарате и ќе одговарате многу скоро“, порача Мицкоски.

извор: Makfax

Поврзани

Најнови вести

Коментари