logo
logo
logo

Маск ОСТАВИ САМО 10% ВРАБОТЕНИ во Твитер?

Vecer | 03.05.2023

Маск ОСТАВИ САМО 10% ВРАБОТЕНИ во Твитер?

Работната сила на Twitter е намалена на рекордно ниско ниво бидејќи Илон Маск продолжува да отпушта работници.

Во моментов, платформата има околу 1.000 вработени, изјави извор за Business Insider.

Маск пред неколку недели изјави дека има 1.500 вработени, иако не нагласи дали во таа бројка се вклучени и вработени со договор.

Еден од познавачите на состојбите рече дека бројот на вработени е значително помал и се приближува до бројката од 1.000 работници.

Тоа значи дека работната сила на Твитер е намалена за речиси 90 отсто по преземањето на Маск, кога компанијата имаше околу 7.500 вработени.

Стотици работници сами си заминаа во првите два месеци. Во компанијата остануваат околу 500 инженери.

Последен пат Twitter имаше толку малку вработени во јануари 2011 година, кога компанијата имаше само 400 вработени.

Маск претходно изјави дека има амбиција до следната година Твитер да достигне една милијарда корисници секој месец, а таа бројка денес е поблиску до 250 милиони корисници дневно.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk