Кинеската компанија „China National Offshore Oil Corporation“ ѝ плати на француската „TotalEnergies“ за испорака на течен гас (ЛНГ) во кинески јуани.
Тоа е прва ваква трансакција во бизнисот со гас.
Околу 65.000 тони ЛНГ биле увезени во Кина од Обединетите Арапски Емирати и биле платени во јуани, а според Гуо Ксу, шефот на берзата во Шангај, првото плаќање во кинеска валута промовира проширување на меѓународната трговија и воведува можност на плаќање во повеќе валути.
Ова е клучно за Кинезите бидејќи тие со години го туркаат јуанот за да отстранат што е можно повеќе американскиот долар од пазарот. Кина е исто така еден од најголемите светски увозници на ЛНГ.
– „China National Offshore Oil Corporation“, најголемиот оператор на гасна платформа во Кина е посветена на иновации на меѓународни модели за плаќање – рече извршниот директор Ју Џи по трансакцијата.
Минатата година Кина увезла 500 милиони тони сурова нафта и 100 милиони тони природен гас, вклучително и речиси 64 тони ЛНГ.
Извор: TPORTAL.HR
Фото: Профи
