logo
logo
logo

Кина и Индија би можеле да ги замрсат конците на Г7 за руската нафта

Vecer | 30.06.2022

Кина и Индија би можеле да ги замрсат конците на Г7 за руската нафта

Кина и Индија би можеле да го попречат спроведувањето на планот на земјите од Г7 за ограничување на цената на руската нафта со ангажирање на нивните бродови за нејзин извоз, пишува Financial Times (FT).

Според аналитичарите со кои разговарале, тоа би ѝ овозможило на Москва да ги заобиколи мерките на Г7 или на Европската Унија бидејќи тие две земји, односно бродовите и фирмите регистрирани во нив, ќе обезбедуваат осигурување и транспортни услуги на увозниците.

„Иако руската нафта е ефективно забранета за поголемиот дел од светската флота на танкери, Кина и Индија веројатно ќе сакаат да продолжат да тргуваат со свои бродови или Русија ќе може да ги користи сопствените“, велат од ФТ.

Во интервју за публикацијата, претставникот на ЕУ посочи дека ќе биде најтешко да се убедат доволен број земји и големи осигурителни компании да ја поддржат предложената шема на Г7. Друг соговорник, експертот Хелима Крофт, се сомневаше во перспективите на идејата за Г7 поради малите шанси да се постави цена доволно ниска за да се намалат приходите од нафтата на Русија.

Земјите од Г7 во вторникот објавија дека се согласиле да размислат за сеопфатна забрана за транспорт на руска нафта и нафтени деривати по морски пат низ светот, доколку не се купи по цена договорена со меѓународните партнери или поевтина. Во исто време, Г7 најави дека ќе ги разгледа механизмите за ублажување на последиците од таквите ограничувања за најранливите земји, притоа задржувајќи го нивниот пристап до ресурсите од Русија.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk