„Икеа“ укинува 7.500 работни места низ светот

Шведската компанија за опремување на домот „Икеа“ соопшти дека укинува 7.500 работни места ширум светот, поради новата стратегија за отворање на повеќе продавници во градските центри и насочување кон онлајн продажбата.

„Икеа“ наведе дека на овој начин ќе може да се насочи кон својата платформа за електронска трговија, со цел поефикасно да одговори на потребите на купувачите и да биде подостапна и евтина за поголем број луѓе.

Компанијата воведува нова стратегија за отворање на продавници во градските центри на 30 поголеми градови.

„Гледаме дека малопродажната сцена се трансформира со размери и брзина која досега не сме ја виделе и Икеа треба да инвестира во развојот на продажбата за да одговори на потребите на потрошувачите на подобар и нов начин“, изјави денеска Јеспер Бродин, генерален директор на најголемата малопродажба во рамки на Икеа системот.

извор: Makfax

Поврзани

Најнови вести

Коментари