ЕСМ од утре ќе управува со топлинската енергија во Скопје

Владата чека ЕСМ да го достави предлог договор за тоа како ќе ја менаџира кризната состојба со топлинската енергија. Државните електрани утре и официјално го преземаат управувањето на БЕГ и Скопје Север. Денеска на владина седница ќе биде одобрен и договорот, кој според Бектеши ЕСМ треба јавно да го објави. Засега се знае само дека според договореното, граѓаните ќе имаат парно од 5 часот наутро, до 1 часот по полноќ. Од денот кога ЕСМ ќе го преземе работењето на снабдувачите, државата ќе ги покрива сите тршоци за набавка на гас. Колку пари ќе бидат вбризгани, Бектеши не откри. Посочи само дека пресметките се прават врз база на берзанските цени. Во меѓувреме не престануваат препукувањата за проблемите со топлинската енергија помеѓу Град Скопје и централната власт. Од СДСМ велат дека владата го решила проблемот со греењето и покрај тоа што градот и општините ги игнорирале потребите на скопјани. Од Град Скопје пак тврдат дека тие не се доволно финансиски моќни. Потешкотиите на снабдувачите со топлинска енергија се појавија по Нова Година, кога се пожалија дека не можат да го издржат поскапувањето на гасот и побараа помош од државата.

Цената на лебот засега ОСТАНУВА ИСТА

IQOS караванот пристигна во Струга