logo
logo
logo

Дали ЌЕ СЕ ЗБОГУВАМЕ СО ПАЗАРЕЊЕТО какво што го знаеме?

Vecer | 11.10.2021

Дали ЌЕ СЕ ЗБОГУВАМЕ СО ПАЗАРЕЊЕТО какво што го знаеме?

Многумина од нас уживаат во традиционалното одење на пазар или супермаркет, но имајќи ги предвид трендовите што се повеќе се присутни во светот, но и кај нас, овој вид на пазарење може да претрпи трансформација во иднина.

Имено, концептот на редовни посети на големи супермаркети и пазарење намирници на лице место брзо се намалува на глобално ниво. Многу светски малопродажни компании веќе немаат ни свој малопродажен простор, туку ја чуваат својата стока во магацин, од каде што директно ги пакуваат и ги доставуваат до потрошувачот.

Пандемијата на коронавирус во голема мера придонесе за овој тренд, имајќи предвид дека многу луѓе развиле страв да одат во супермаркети, продавници, пазари, ресторани итн. Покрај тоа, многу продажни места не работеа во условите на кои се навикнати од почетокот на пандемијата, и имаа финансиски загуби што ги натераа многумина да го сменат начинот на кој работат.

Според најновите истражувања, се очекува дека 90% од клиентите што се префрлиле на купување намирници преку Интернет за време на пандемијата, ќе продолжат да го прават тоа и по завршувањето на пандемијата. Откако беа укинати драстичните мерки, само 7% од купувачите на намирници преку Интернет одговориле дека ќе се вратат на класично/физичко шопинг патување.

Покрај тоа што сакаат да ги заштитат своите најблиски и себеси од непотребно изложување на ризик кога одат во продавница за време на се уште тековната пандемија, потрошувачите откриле дека кога купуваат преку Интернет избегнуваат да бараат паркинг, како и да чекаат ред на каса, потоа се штеди огромно време и се ужива во шопингот од удобноста на домот. Покрај заштедата на време, потрошувачите посочуваат дека заштедата на пари е важна придобивка од купувањето преку Интернет во споредба со традиционалното, бидејќи заштедува пари за пр. превоз.

Компаниите кои се занимаваат со испорака  сега не занимаваат само на брза, точна и транспарентна испорака на храна од ресторани, туку портфолиото се шири и на други сегменти, како што се испорака од пазари, аптеки, продавници за здрава храна, цвеќарници и слично.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk