Коментирајќи го пописот во Македонија, бугарскиот европратеник Ангел Џамбаски упати тешки навреди кон тие што се изјаснуваат како Македонци во Пиринска Македонија.
– На актуелниот попис тие ќе направат сè што е можно за да ги дотуркаат Бугарите во Република Македонија до некоја бројка, блиска или еднаква со вкупно земено таа групичка на неколкумина преостанати испијанети дегенерици во Пиринска Македонија, преобратени од бившите југословенски служби, кои се самоопределуваат различно од бугарскиот начин и вкупно од 10 човека имаат 5 заби. Така што, тоа им е целта и тоа им е задачата. И тука ние треба да сме многу цврсти во тој правец. Направивме една кампања за обид за притисок во Европскиот парламент и во Европската унија, да видиме каде и како ќе се одрази таа, изјави потпретседателот на ВМРО-БНД на Каракачанов.
