logo
logo
logo

Вучиќ: Нема да нè примат во ЕУ бидејќи немаат капацитет!

Vecer | 20.04.2021

Вучиќ: Нема да нè примат во ЕУ бидејќи немаат капацитет!

Претседателот на Србија Александар Вучиќ истакна синоќа дека сака сите на Западниот Балкан да зборуваат со еден глас и заедно да влезат во Европската Унија.

Но, како што истакна, тој смета дека тоа во овој момент не е реално.

„Нема да нè примат во ЕУ бидејќи тие немаат капацитет да примат кого било“, кажа Вучиќ во интервју за Фејс ТВ, на прашањето зошто западнобалканската шестка со своите проблеми кои ги има не би можела за мир во Европа во неа да влезе заедно.

Вучиќ кажа дека тој секогаш се залага за тоа и дека нема проблем со тоа, и дека бара да се настапува со еден глас.

На забелешката на водителот дека не мисли на мини-Шенген и дека ќе има „бељи“ ако не влеземе во ЕУ, Вучиќ истакна дека ќе има бељи ако не ги решаваме своите проблеми самите.

Тој порача дека Србија ништо не ѝ должи на Босна и Херцеговина, а ако ѝ должи, да ѝ ја испрати сметката.

„Испратете ја таа сметка за да ја платиме утре, да не измислуваме“, кажа Вучиќ, но укажа дека ЕУ нема да ги прими сега ни Србија ни БиХ. Се наоѓаме сите на европскиот пат, но додека се приближуваме, треба заеднички да работиме на тоа да живееме подобро, и да одиме со еден глас, кажа српскиот претседател.

На прашањето на новинарот зошто и ние не поставиме ултиматум, Вучиќ праша: „Со што ние ним да им се заканиме?“

На прашањето што би направил да е премиер на БиХ, кажа дека би зборувал и размислувал за економијата, сериозно би работел на инфраструктурата. Оцени дека БиХ има сериозен економски потенцијал и сериозни шанси, но дека е потребно многу труд и работа и дека треба повеќе да се бави со економските, а не политичките прашања.

„Немојте да кукате, почнете да работите. Ако работите, ќе живеете подобро“, порача српскиот претседател.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk