Повредените мигранти, меѓу кои и 16-годишно девојче чиј живот е во опасност, се примени во болница во Суботица. Полицијата, жандармеријата на МУП на Србија и брзата помош излегле на местото на судирот, а полицијата ги блокирала приодите до шумата каде се случила пресметката.

Полицијата утрово добила дојава од граѓани дека се слуша пукање во шумата во Макова Седмица, по што силни полициски сили на местото на конфликтот пронашле повредени лица, па била повикана брза помош. Претседателот на Советот на месната заедница Макова Седмица, Мирсад Налиќ изјави дека се судриле мигранти од Авганистан и Пакистан.

„Овде со денови, од утро до вечер, минуваат такси со сомборски регистерски таблички и ги носат во шумата. Полицијата интервенира, но тие се враќаат по еден час“, тврди Налиќ. Во болницата во Суботица на шестмината повредени од истрели им била укажана помош, а во најтешка состојба е 16-годишно девојче за чиј живот се борат лекарите.