Во Хрватска расте бројот на заразени со западнонилски вирус

Бројот на лица заразени со западнонилски вирус во Хрватска значително се зголеми и дел од нив заврши во болница.

Како што објави „Подравски лист“, седум заразени лица се во критична состојба во инфективната болница во Загреб. Тие се повикуваат на изјавите на хрватските инфектолози од утрово.

„Сите лица се во критична, опасна по живот состојба, и доаѓаат од области на континентална Хрватска, а сите се заразени со западнонилски вирус”, пишува локалниот весник.

Според податоците на Хрватскиот институт за јавно здравје (ХЗЈЗ) од минатата недела, во Хрватска се заболени 26 лица, а едно почина.

извор: Makfax

Поврзани

Најнови вести

Коментари