Протестот го организира дел од опозицијата која бара одговорност од властите за двете масовни убиства што се случија минатата недела во Србија.
Собирот почна пред Собранието, од каде граѓаните пеш се упатија по улицата Кнеза Милоша до мостот Газела, кој беше блокиран. На протестот има повеќе од десетина илјади граѓани, дел од нив стигнаа до Сава центарот.
— Janko Baljak (@JankoBaljak) May 12, 2023
Министерството за внатрешни работи на Србија соопшти дека блокирањето на мостот „Газела“ ќе биде кривично дело и предупреди дека доколку тоа се случи, ќе бидат преземени одредени мерки. Но, на протестот немаше полицајци, објави српски Данас.
Собирот заврши по околу 3 часа, а следниот собир е најавен за следниот петок.
„Денеска е исполнето второто барање, седницата на Собранието е закажана за следниот четврток“, беше речено при читањето на барањето на опозицијата. На седницата ќе се гласа и за смена на РЕМ, како и за надлежностите на министерот за внатрешни работи Братислав Гашиќ. “ им порача Срѓан Миливојевиќ на насобраните и дека во петок сите треба да дојдат во Собранието. „Во петок нема дома“, рече тој.
На денешните протести се слушаше скандирање „Вучиќ оди си“.
