Силни врнежи од дожд што предизвикаа и проблеми и над 10.000 молњи беа регистрирани вчера попладне во северниот и централниот дел на Грција, според податоците од мрежата на автоматски метеоролошки станици на Националната опсерваторија во Атина и порталот Метео, јави дописничката на МИА од Атина.
Најголема количина дожд беше измерена во регионот на Кукуш (Килкис), каде наврнале дури 94,8 милиметри дожд.
Паралелно, освен обилните врнежи, била регистрирана и силна електрична активност и до 18:40 часот биле евидентирани околу 10.000 електрични празнења, од кои 8.900 биле на копно, а останатите во море.
Невремето што траеше кусо, но беше интензивно предизвика проблеми во Солун, а во областа Тесалија, силниот дожд и градот нанесоа штета и на земјоделските посеви.
© Vecer.mk, правата за текстот се на редакцијата
