Откако Обединетите нации изгласаа отстранување на канабис или марихуана од листата на „најопасни дроги“, ова прашање почна да се отвора и во регионот.

Министерот за здравство на Србија изјави дека, како членка на Обединетите нации, ќе ја отстранат марихуаната од списокот на наркотици, но јавноста е поделена.

Некои ја поздравуваат оваа одлука, а други стравуваат од злоупотреба.

Претседателот на Социјалниот канабис клуб во Белград, Милош Симиќ смета дека легализацијата на канабисот е „огромна шанса за економско закрепнување на Србија, но и за здравјето на населението“.

„Канабисот е традиционално српско растение, тоа се одгледува во домаќинствата на српските семејства, илјада години. Србија произведува седум проценти од светското производство и една третина во Европа. Канабисот е растение кое луѓето го користат најдолго како лек рече тој“ за ТВ Прва.

Претседателот на Здружението на невролози на Србија, д-р Ранко Раичевиќ, посочи дека канабисот треба да ги помине сите потребни тестови.

“Невролошката заедница е потенцијално најголемиот корисник во третманите. Канабисот би бил регистриран како помошен лек, но за нешто да биде потенцијален лек, производителот мора да го стандардизира производството”, рече тој.

Тој додаде дека лекарите „немаат проблем“.

Психолог во болницата за третман на зависност, Стеван Квас, посочува дека канабисот е „влезна супстанца во светот на наркотиците“.

“Една десетина од нив се префрлаат на други супстанции. Канабисот е честопати предизвикувач на психоза”, истакна тој.

Сепак, Симиќ рече дека канабисот не предизвикува физичка зависност.

Тој додаде дека „околу милион жители во Србија користат канабис“, на што д-р Раичевиќ одговори дека не е вистина.

„Ако е тоа вистина, тогаш сме во голема неволја“, заклучи тој.