Наскоро во Словенија ќе пристигне препарат кој по порепорака на доктор и со согласност на пациентот, ќе се дава на оние кои не се вакцинирани против Ковид-19 веднаш по развивањето на првите симтоми на болеста за кои се смета дека би можеле да се развијат во потежок облик.
Според словенечките медиуми, станува збор за лекот Лагеврио, познат и како Молнупиравир, кој е нарачан и веќе е на пат за Словенија.
Комисијата за медицинска етика, која е орган на Министерството за здравство, смета дека нема етички бариери за препишување и употреба на лекот, откако тој беше препорачан од Европската агенција за лекови (ЕМА), иако се уште не е официјално регистриран.
„Овој лек постигнува значителен напредок во борбата против епидемијата и очекуваме дека ќе доведе до помалку смртни случаи од ковид“, изјави Божидар Вољц, претседател на комисијата за медицинска етика.
Се земаат 800 милиграми два пати на ден
Лекот, откако ќе го препише докторот на пациентот, се зема веднаш по појавата на првите симптоми, во првите пет дена, додека на пациентот сè уште не му е потребна кислородна поддршка.
Се земаат 800 милиграми два пати на ден. Се проценува дека неговата употреба во 50 до 60 отсто од случаите спречува хоспитализација на заразените а нема да им се препорачува на трудниците, вели Вољч.
Лекот ќе се дава на оние кои ги исполнуваат условите да го добијат и се информирани за својствата на лекот и можните несакани ефекти и без никаков притисок ќе се согласат на таков третман. Сè додека лекот не биде официјално регистриран, писмената согласност на пациентот ќе треба да ја потпишува неговиот доктор.