Бугарските власти испратиле „остро писмо“ до компанијата АстроЗенека која ја произведува вакцината за САРС КОВ 2 со оглед н тоа што наместо 142 000 дози, Бугарија на 1 март ќе добие само 52 дози од соодветната вакцина.

Бугарските власти, според тамошните медиуми, известиле дека се подготвени 52-те илјади дози да ги преземат уште утре со авионски транспорт и дека ги очекуваат договорените вакцини во предвиденот рок.

Патем, бугарските медиуми се пофалија дека денеска Бугарија постигнала рекорд во вакцинирање на населението и дека во времето од 7 до 17 часот се вакцинирани 18 900 граѓани.

Истовремено, кај нас беше објавено дека досега се вакцинирани вкупно 1 510 лица, сите од медицинската дејност, а Филипче го прими второто пакетче вакцини од Србија со 3510 дози. Вкупно, ние сме вакцинирале некаде околу 8 отсто од бројот на вакцинирани во Бугарија во еден ден, а бројот на вакцини кои сме ги набавиле односно добиле како подарок од Србија, а тоа се единствените вакцини кои ги имаме, се некаде околу 40 отсто од денешниот број на ваикцинирани кај нашиот источен сосед.

Синовак или Синофарм? Која кинеска вакцина ќе дојде во Македонија?