Силен земјотрес со јачина од 6.2 степени по Рихтер го погоди градчето Лариса, во централна Грција, во 11 часот и 16 минути.

Иако се уште нема информации за жртви, страшни се глетките од разурнатите домови и објекти во градот.

Земјотресот беше почувствуван речиси на целиот Балкан а и кај нас. Според зборовите на Битолчани, се работеше за чуден земјотрес кој траеше долго и беше силен по јачина, многумина пријавуваат дека дури им се слошило од тресењето.

На Твитер веќе се споделуваат фотографии на кои се гледаат разурнати куќи, дуќани, додека граѓаните од страв се по улиците.