logo
logo
logo

Рама: Отворен Балкан Е ИДНИНАТА, НЕМА ДРУГ ПАТ

Vecer | 22.10.2021

Рама: Отворен Балкан Е ИДНИНАТА, НЕМА ДРУГ ПАТ

Премиерот на Албанија, Еди Рама изјави дека е убеден оти сите земји од регионот ќе станат дел од иницијативата „Отворен Балкан“.

На свеченоста по повод годишнината од германската фондација „Фридрих Еберт“ во Албанија, Рама посочи дека нема друг пат освен „Отворен Балкан“.

„Отворен Балкан“ е вистинската идеја во вистинско време и без сомнение секој чекор по чекор ќе ја прифати идејата. Тоа е иднината, нема друга опција освен да се отвориме еден кон друг“, истакна Рама.

Премиерот на Албанија оцени дека земјите од регионот ќе бидат принудени да го сторат тоа во моментот кога ќе влезат во ЕУ.

Според Рама, никој од Западен Балкан нема луксуз да ја остави економијата на страна и да се занимава првенствено со политика во интерес на партијата.

Премиерот на Албанија оцени дека балканските земји во моментов губат време во напорите да напредуваат во процесот на европска интеграција и додаде дека Албанија нема време за губење.

Рама посочи дека со прифаќањето на „Отворениот Балкан“, земјите од регионот си даваат можности да ги развиваат своите економии.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk